NATIVE

                                     നാടൻ  കാറ്റ് 

ജനനം എന്ന വാക്യം ഏതൊരു ജീവന്റെയും തുടക്കമാണ് 

എന്നാൽ ആ ജനനസ്ഥലവും ജന്മനാടും അതെ പോലെത്തന്നെ 

നമുക്ക്  ജന്മം നൽകുന്നു 

ജനിച്ചുവീഴുന്ന നിമിഷം മുതൽ നമുക്ക് തണലായി നിൽക്കുന്നതാണ് 

നമ്മുടെ ജന്മനാട് 

കളിച്ചുവളർന്ന  നമ്മുടെ കുട്ടികാലങ്ങൾ 

ഓടി നടന്ന ആ തെരുവുവീഥികൾ 

ക്രിക്കറ്റ് കളിച്ചും ചില്ലേർ കളിച്ചും നടന്ന നാളുകൾ 

ചിരിച്ചും കളിച്ചും ഇരുന്ന സുന്ദരമായ നിമിഷങ്ങൾ 

എന്നാൽ ജീവിതം നമ്മെ ആ ആകർശനനിമിഷങ്ങളിൽ 

നിന്ന് ഒരു നാൾ അകറ്റും 

ആ അകൽച്ച നമ്മെ ഒട്ടേറെ വിഷമിപ്പിച്ചേക്കാം 

പക്ഷെ ആ അകൽച്ച ജീവിതം എന്ന വാക്യത്തിന്റെ അർത്ഥം 

മനസിലാക്കാൻ ആണ് എന്നറിയുമ്പോൾ എല്ലാം വെറും 

ഓർമകളായി നമ്മുടെ മനസ്സിൽ കുടികൊളളും 

എന്നാൽ ജീവിതത്തിന്റെ ഈ നെട്ടോട്ടത്തിന്റെ ഇടയിൽ 

ആ ഓർമ്മകൾ നമുക്ക് സൃഷ്‌ടിച്ച ആ സ്വർഗത്തിലേക്ക് നാം 

പോകുന്ന യാത്രകൾ നമ്മെ പഠിപ്പിക്കും ആ ഓർമകളുടെ 

മഹത്വം 

വാളയാർ കാടിന്റെ ഇടനാഴികളിലൂടെ വരുന്ന ആ കാറ്റ് 

നമ്മെ വലിച്ചിഴക്കും ആ ഓർമകളിലേക്ക് 

അഗ്രഹാരവീഥികളിലൂടെ നടക്കുമ്പോൾ വരുന്ന ആ രഥപ്രയാണങ്ങളുടെ 

കാറ്റ് നമ്മെ വലിച്ചിഴക്കും ആ ഓർമകളിലേക്ക് 

കല്പാത്തി പുഴയോരങ്ങളിൽ നടക്കുമ്പോൾ അനുഭവപ്പെടുന്ന  ആ കാറ്റ് 

നമ്മെ വലിച്ചിഴക്കും ആ ഓർമകളിലേക്ക്
ചെണ്ടകൊട്ടുകൾ എവിടെ മുഴങ്ങിയാലും അത് നമ്മുടെ തേര് കോട്ടിനെ
ഓർമപ്പെടുത്തി വലിച്ചിഴക്കും നമ്മെ ആ ഓർമകളിലേക്ക്
ചങ്ങല ശബ്ദം കേട്ടാലും നമ്മുടെ ഗജവീരന്മാരെ ഓർമപ്പെടുത്തി
വലിച്ചിഴക്കും നമ്മെ ആ ഓർമകളിലേക്ക് 

കളിച്ചുവളർന്ന കളിസ്ഥലങ്ങളിൽ കെട്ടിടങ്ങൾ ഉയർന്നത് കാണുമ്പോൾ 

ആ കാഴ്ച്ച  നമ്മെ വലിച്ചിഴക്കും ആ ഓർമകളിലേക്ക്

അമ്മയുടെ കയ്യിൽ നിന്ന് കിട്ടുന്ന ആ ഒരു പിടി ഭക്ഷണം നമ്മെ 

വലിച്ചിഴക്കും ആ ഓർമകളിലേക്ക് 

എന്നാലോ എല്ലാം കഴിഞ് ജീവിതത്തിന്റെ പുറകെ നാം തിരികെ 

പോകുമ്പോൾ അതും ഒരു പുതിയ ഓർമയായി നമ്മളിൽ ചേരും 

ജീവിതം എന്ന മഹാപ്രയാണത്തിൽ പിന്നീട് ഓർത്തുചിരിക്കാൻ 

ഈ ഓർമ്മകൾ നമ്മെ സഹായിക്കും 

"ഓർക്കുക ആ ഓർമകളെ ഓർത്തു ഒന്ന് ചിരിക്കുക "

"ആ ഓർമകളെ ഒന്ന് അനുഭവിക്കാൻ ശ്രമിക്കുക "